Akshatha K

ಈರೆ ಸಿರಿ ಪಾದ

ಈರೆ ಸಿರಿ ಪಾದ ದರ್ಶನಗುಂದು ಬನ್ನಾಗ
ವಾ ಕಾಣಿಕೆನ್ ಯಾನ್ ಪತ್ತೊಂದ್ ಬರಡ್

ಎನ್ನ ಪನ್ಪಿನವು ದಾದ ಸರ್ವಲಾ ಈರೆನವು
ಎನ್ನವೆಂದ್ ದ ಅವೆನ್ ಯಾನೆಂಚ ಕೊರಡ್

ತರತರತ ಪುರ್ಪೊಲೆನ್ ಒತ್ಸಾವೆ ಪನ್ನಾಗ
ಪುರ್ಪೊಲೆಗ್ ಬಣ್ಣ ಕಮ್ಮನೆ ಕೊರ್ತಿನಾರ್
ಪೊಸಪೊರ್ಲ ಪರ್ನ್ದಲೆನ್ ಒತ್ಸಾವೆ ಪನ್ನಾಗ
ಅವೆಕ್ ರಸರುಚಿ ರೆಂಕಾಯಿನಾರ್

ಈರೆ ಸಿರಿ ಪಾದ ದರ್ಶನಗುಂದು ಬನ್ನಾಗ
ವಾ ಕಾಣಿಕೆನ್ ಯಾನ್ ಪತ್ತೊಂದ್ ಬರಡ್

ಮೆಂಚುಪದ್ದೆಯಿಪನವು ದುತೈತ ಕಾಣಿಕೆನು
ಲೋಕದಯಿಸಿರೊಗು ಸರ್ವೇಶ್ವರಿಯೆ ಈರ್
ಸೂರ್ಯಚಂದ್ರೆರೆನ್ ಬೆಳಗಾಯಿ ಬೊಲ್ಪುದ ತಮೆರಿ
ಈರೆಗಂದೊತುಡರ ಸೇವೆ ಬಗೆಬಗೆತ

ಈರೆ ಸಿರಿ ಪಾದ ದರ್ಶನಗುಂದು ಬನ್ನಾಗ
ವಾ ಕಾಣಿಕೆನ್ ಯಾನ್ ಪತ್ತೊಂದ್ ಬರಡ್

ಈರೆಗರ್ಪಿತ ಮಲ್ಪಿ ಕಾಣಿಕೆನ್ ಯಾನ್ ಪಿನಯೆ
ಬಜಿ ಕೈಟೆ ಬತ್ತೆ , ಈರೆನ ಪಾದದಡೆಗ್
ಉಡಲ್ದುಲಯಿದ ಭಕ್ತಿನೊಂಜೆನೆ ಕೈಕೊಂದ್
ನಡಪಾಲೆ ಶ್ರೀಕಟೀಲಪ್ಪೆ ದುರ್ಗಾಂಬೆ

ಈರೆ ಸಿರಿ ಪಾದ ದರ್ಶನಗುಂದು ಬನ್ನಾಗ
ವಾ ಕಾಣಿಕೆನ್ ಯಾನ್ ಪತ್ತೊಂದ್ ಬರಡ್
****************************************************